ban gae dil ke fasane kya kya
ban ga.e dil ke fasāne kyā kyā
khul ga.e raaz na jaane kyā kyā
kaun thā mere alāva us kā
us ne DhūñDe the Thikāne kyā kyā
rahmat-e-ishq ne baḳhshe mujh ko
us kī yādoñ ke ḳhazāne kyā kyā
aaj rah rah ke mujhe yaad aa.e
us ke andāz purāne kyā kyā
raqs kartī huī yādeñ un kī
aur dil gaa.e tarāne kyā kyā
terā andāz nirālā sab se
tiir to ek nishāne kyā kyā
aarzū merī vahī hai lekin
us ko aate haiñ bahāne kyā kyā
rāz-e-dil laakh chhupāyā lekin
kah diyā us kī adā ne kyā kyā
dil ne to dil hī kī maanī 'mītā'
aql detī rahī ta.ane kyā kyā
ban gae dil ke fasane kya kya
khul gae raaz na jaane kya kya
kaun tha mere alawa us ka
us ne DhunDe the Thikane kya kya
rahmat-e-ishq ne baKHshe mujh ko
us ki yaadon ke KHazane kya kya
aaj rah rah ke mujhe yaad aae
us ke andaz purane kya kya
raqs karti hui yaaden un ki
aur dil gae tarane kya kya
tera andaz nirala sab se
tir to ek nishane kya kya
aarzu meri wahi hai lekin
us ko aate hain bahane kya kya
raaz-e-dil lakh chhupaya lekin
kah diya us ki ada ne kya kya
dil ne to dil hi ki mani 'mita'
aql deti rahi tane kya kya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
