hum jo mahfil mein aae baiThe hain
ham jo mahfil meñ aa.e baiThe haiñ
log sab ḳhaar khaa.e baiThe haiñ
saañs bhī Dar ke lījiye sāhab
log nazreñ jamā.e baiThe haiñ
ḳhvāb apne na nashr kījiyegā
log patthar uThā.e baiThe haiñ
jis ko samjho vahī nahīñ apnā
log rishte bhulā.e baiThe haiñ
dād-o-tahsīn kī na zid kiije
log sab dil jalā.e baiThe haiñ
aap kā naam kyā liyā ham ne
log sab tilmilā.e baiThe haiñ
terī mahfil meñ ho yaqīñ kis par
log sab āzmā.e baiThe haiñ
ranj ġhussa hasad jalan gaalī
log kyā kyā chhupā.e baiThe haiñ
ḳhush-gumānī kī had hai ye 'abrak'
log dil meñ samā.e baiThe haiñ
hum jo mahfil mein aae baiThe hain
log sab KHar khae baiThe hain
sans bhi Dar ke lijiye sahab
log nazren jamae baiThe hain
KHwab apne na nashr kijiyega
log patthar uThae baiThe hain
jis ko samjho wahi nahin apna
log rishte bhulae baiThe hain
dad-o-tahsin ki na zid kije
log sab dil jalae baiThe hain
aap ka nam kya liya hum ne
log sab tilmilae baiThe hain
teri mahfil mein ho yaqin kis par
log sab aazmae baiThe hain
ranj ghussa hasad jalan gali
log kya kya chhupae baiThe hain
KHush-gumani ki had hai ye 'abrak'
log dil mein samae baiThe hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
