bar bar aazma ke chhoD diya
baar baar aazmā ke chhoḌ diyā
us ne apnā banā ke chhoḌ diyā
chashm-e-sāqī ne mast kar Daalā
qulzum-e-mai pilā ke chhoḌ diyā
ham ye samjhe ki rū-barū vo haiñ
aa.ina yuuñ dikhā ke chhoḌ diyā
naam apnā liyā magar mujh ko
merā qissa sunā ke chhoḌ diyā
nā-ḳhudā ne safīna-e-ummīd
'ain tūfāñ meñ lā ke chhoḌ diyā
yā 'alī keh ke us ko apnāyā
us ne 'vāsif' banā ke chhoḌ diyā
bar bar aazma ke chhoD diya
us ne apna bana ke chhoD diya
chashm-e-saqi ne mast kar Dala
qulzum-e-mai pila ke chhoD diya
hum ye samjhe ki ru-baru wo hain
aaina yun dikha ke chhoD diya
nam apna liya magar mujh ko
mera qissa suna ke chhoD diya
na-KHuda ne safina-e-ummid
'ain tufan mein la ke chhoD diya
ya 'ali keh ke us ko apnaya
us ne 'wasif' bana ke chhoD diya
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
