wo meri ayaadat par tayyar nazar aae

vo 'merī 'ayādat par tayyār nazar aa.e

sad-shukr ki sehat ke āsār nazar aa.e

ā.īna-e-hairat hai ye ujḌī huī vaadī

jis samt nazar uTThī me'mār nazar aa.e

maidān-e-siyāsat meñ ye gur hī to sab kuchh hai

inkār karo aise iqrār nazar aa.e

jo kahte the gulshan ko ham ḳhuun se sīñcheñge

sach kahte the jab jiite ḳhūñ-ḳhvār nazar aa.e

kyā ḳhaak shifā hogī jab koī tabīb aayā

ruḳh sū-e-'adam karte bīmār nazar aa.e

allāh ke aur bandoñ ke biich meñ haa.el haiñ

'zāmin' hameñ kuchh aise dīñ-dār nazar aa.e

wo 'meri 'ayaadat par tayyar nazar aae

sad-shukr ki sehat ke aasar nazar aae

aaina-e-hairat hai ye ujDi hui wadi

jis samt nazar uTThi me'mar nazar aae

maidan-e-siyasat mein ye gur hi to sab kuchh hai

inkar karo aise iqrar nazar aae

jo kahte the gulshan ko hum KHun se sinchenge

sach kahte the jab jite KHun-KHwar nazar aae

kya KHak shifa hogi jab koi tabib aaya

ruKH su-e-'adam karte bimar nazar aae

allah ke aur bandon ke bich mein hael hain

'zamin' hamein kuchh aise din-dar nazar aae