pur-nur har gali hai mohammad ke shahr mein

pur-nūr har galī hai mohammad ke shahr meñ

rahmat baras rahī hai mohammad ke shahr meñ

rizvāñ na ho yaqīn to ik baar aa ke dekh

jannat sajī huī hai mohammad ke shahr meñ

sab ko navāzte haiñ ġhanī ho ki ho faqīr

kyā banda-parvarī hai mohammad ke shahr meñ

rāhat hai rahmateñ haiñ sukūñ hai qarār hai

kis chiiz kī kamī hai mohammad ke shahr meñ

rahmat kī chāñdnī meñ nahāyā huā hai shahr

har shai meñ dil-kashī hai mohammad ke shahr meñ

'muztar' rasūl-e-pāk ke qadmoñ meñ nikle jaan

bas aarzū yahī hai mohammad ke shahr meñ

pur-nur har gali hai mohammad ke shahr mein

rahmat baras rahi hai mohammad ke shahr mein

rizwan na ho yaqin to ek bar aa ke dekh

jannat saji hui hai mohammad ke shahr mein

sab ko nawazte hain ghani ho ki ho faqir

kya banda-parwari hai mohammad ke shahr mein

rahat hai rahmaten hain sukun hai qarar hai

kis chiz ki kami hai mohammad ke shahr mein

rahmat ki chandni mein nahaya hua hai shahr

har shai mein dil-kashi hai mohammad ke shahr mein

'muztar' rasul-e-pak ke qadmon mein nikle jaan

bas aarzu yahi hai mohammad ke shahr mein