aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

apni taswir ko aankhon se lagata kya hai

Shahzad Ahmad

apni taswir ko aankhon se lagata kya hai

Shahzad Ahmad

MORE BYShahzad Ahmad

    apnī tasvīr ko āñkhoñ se lagātā kyā hai

    ik nazar merī taraf bhī tirā jaatā kyā hai

    merī rusvā.ī meñ vo bhī haiñ barābar ke sharīk

    mere qisse mire yāroñ ko sunātā kyā hai

    paas rah kar bhī na pahchān sakā mujh ko

    duur se dekh ke ab haath hilātā kyā hai

    zehn ke pardoñ pe manzil ke hayūle na banā

    ġhaur se dekhtā raah meñ aatā kyā hai

    zaḳhm-e-dil jurm nahīñ toḌ bhī de mohr-e-sukūt

    jo tujhe jānte haiñ un se chhupātā kyā hai

    safar-e-shauq meñ kyuuñ kāñpte haiñ paañv tire

    aañkh rakhtā hai to phir aañkh churātā kyā hai

    umr bhar apne garebāñ se ulajhne vaale

    mujhe mere saa.e se Darātā kyā hai

    chāñdnī dekh ke chehre ko chhupāne vaale

    dhuup meñ baiTh ke ab baal sukhātā kyā hai

    mar ga.e pyaas ke maare to uThā abr-e-karam

    bujh ga.ī bazm to ab sham.a jalātā kyā hai

    maiñ tirā kuchh bhī nahīñ huuñ magar itnā to batā

    dekh kar mujh ko tire zehn meñ aatā kyā hai

    terā ehsās zarā tirī hastī pāyāb

    to samundar tarah shor machātā kyā hai

    tujh meñ kas-bal hai to duniyā ko bahā kar le

    chaa.e pyālī meñ tūfān uThātā kyā hai

    terī āvāz jaadū na chalegā un par

    jāgne vāloñ ko 'shahzād' jagātā kyā hai

    apni taswir ko aankhon se lagata kya hai

    ek nazar meri taraf bhi tera jata kya hai

    meri ruswai mein wo bhi hain barabar ke sharik

    mere qisse mere yaron ko sunata kya hai

    pas rah kar bhi na pahchan saka tu mujh ko

    dur se dekh ke ab hath hilata kya hai

    zehn ke pardon pe manzil ke hayule na bana

    ghaur se dekhta ja rah mein aata kya hai

    zaKHm-e-dil jurm nahin toD bhi de mohr-e-sukut

    jo tujhe jaante hain un se chhupata kya hai

    safar-e-shauq mein kyun kanpte hain panw tere

    aankh rakhta hai to phir aankh churaata kya hai

    umr bhar apne gareban se ulajhne wale

    tu mujhe mere hi sae se Daraata kya hai

    chandni dekh ke chehre ko chhupane wale

    dhup mein baiTh ke ab baal sukhata kya hai

    mar gae pyas ke mare to uTha abr-e-karam

    bujh gai bazm to ab shama jalata kya hai

    main tera kuchh bhi nahin hun magar itna to bata

    dekh kar mujh ko tere zehn mein aata kya hai

    tera ehsas zara sa teri hasti payab

    to samundar ki tarah shor machata kya hai

    tujh mein kas-bal hai to duniya ko baha kar le ja

    chae ki pyali mein tufan uThata kya hai

    teri aawaz ka jadu na chalega un par

    jagne walon ko 'shahzad' jagata kya hai

    Videos
    This video is playing from YouTube

    Videos
    This video is playing from YouTube

    Sonu Kakkar

    Sonu Kakkar

    Ranjeet Rajwada

    Ranjeet Rajwada

    Source:

    Deewar pe dastak (Pg. 405)

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now