ujala mujhse ruswa ho gaya hai
ujālā mujh se rusvā ho gayā hai
añdherā mere andar jī rahā hai
gale kis ke lagūñ ab maiñ ki mujh se
judā hai koī to koī ḳhafā hai
har ik ġham ko samā lūñgā maiñ ḳhud meñ
samundar dukh kā gahrā ho gayā hai
hameñ to dil-lagī sahrā se hai par
hamārā naam paanī par likhā hai
guloñ ko paas ab mat le ke aao
hamāre andarūñ kāñTā bharā hai
karūñgā ḳhaak apnī zindagī ko
ye maiñ ne maut se vā'da kiyā hai
ujala mujh se ruswa ho gaya hai
andhera mere andar ji raha hai
gale kis ke lagun ab main ki mujh se
juda hai koi to koi KHafa hai
har ek gham ko sama lunga main KHud mein
samundar dukh ka gahra ho gaya hai
hamein to dil-lagi sahra se hai par
hamara nam pani par likha hai
gulon ko pas ab mat le ke aao
hamare andarun kanTa bhara hai
karunga KHak apni zindagi ko
ye main ne maut se wa'da kiya hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
