palang par ufuq ke karwaTen badal rahi hai raat
palang par 'ufuq ke karvaTeñ badal rahī hai raat
falak falak añdherā nuur meñ badal rahī hai raat
ye chāñd taare bhī chale haiñ saath us ke duur tak
zamīn kī hudūd se kahāñ nikal rahī hai raat
na-jāne kaun sā fareb kal diyā thā phuul ne
sabā ke dast-e-nāz par abhī pighal rahī hai raat
abhī jabīn-e-sub.h par hai garm dast-e-māhtāb
abhī bhī ātish-e-falak pe kuchh ubal rahī hai raat
bhaTak ga.ī hai shab sitāroñ ke fareb-e-raqs meñ
qamar ke dāman-e-shabāb par Tahal rahī hai raat
palang par 'ufuq ke karwaTen badal rahi hai raat
falak falak andhera nur mein badal rahi hai raat
ye chand tare bhi chale hain sath us ke dur tak
zamin ki hudud se kahan nikal rahi hai raat
na-jaane kaun sa fareb kal diya tha phul ne
saba ke dast-e-naz par abhi pighal rahi hai raat
abhi jabin-e-subh par hai garm dast-e-mahtab
abhi bhi aatish-e-falak pe kuchh ubal rahi hai raat
bhaTak gai hai shab sitaron ke fareb-e-raqs mein
qamar ke daman-e-shabab par Tahal rahi hai raat
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
