aagahi ki KHwahish nikli ghup andhe patal ki rah

āgāhī kī ḳhvāhish niklī ghup andhe pātāl kī raah

pal bhar ek fareb-e-tajallī phir sadiyoñ tak roz-e-siyāh

ḳhvāb-e-junūñ kā jaadū TuuTā shauq-e-jamāl kī jot bujhī

dil kā ye kyā rang huā ai marhala-e-taġh.īr-e-nigāh

shauq-e-ḳhizāñ kī havā se jaise shāḳh barahna ho jaa.e

ḳhvāb dukān-e-shīsha jaise barham ho jaa.e nāgāh

ruuh kī 'uzlat meñ suntā huuñ Dūbtī sī ik chīḳh kabhī

raat kī tārīkī meñ jaise duur kisī ghāyal kī karāh

sau sau ruup badal kar har dam merā ta'āqub kartā hai

ab merā iblīs hai ai mā'būd mirā nā-karda-gunāh

aagahi ki KHwahish nikli ghup andhe patal ki rah

pal bhar ek fareb-e-tajalli phir sadiyon tak roz-e-siyah

KHwab-e-junun ka jadu TuTa shauq-e-jamal ki jot bujhi

dil ka ye kya rang hua ai marhala-e-taghir-e-nigah

shauq-e-KHizan ki hawa se jaise shaKH barahna ho jae

KHwab dukan-e-shisha jaise barham ho jae nagah

ruh ki 'uzlat mein sunta hun Dubti si ek chiKH kabhi

raat ki tariki mein jaise dur kisi ghayal ki karah

sau sau rup badal kar har dam mera ta'aqub karta hai

ab mera iblis hai ai ma'bud mera na-karda-gunah