dil bata kaun sa qudrat ka karishma dekhun
dil batā kaun sā qudrat kā karishma dekhūñ
chāñd dekhūñ yā use chhat pe Tahaltā dekhūñ
kaash taqdīr vo lamha bhī mayassar kar de
aa.ina ban ke maiñ jab us kā sañvarnā dekhūñ
kis se hāsil huī tahzīb kī daulat tujh ko
terī poshāk ko dekhūñ tirā lahja dekhūñ
fikr bachchoñ ki mujhe jab bhī pareshān kare
be-zabāñ uḌte parindoñ kā 'aqīda dekhūñ
phuul khilne kā nazārā to sabhī karte haiñ
merī ḳhvāhish hai ki ḳhushbū ko bikhartā dekhūñ
jis ne logoñ kī haqīqat ko samajh rakkhā hai
bas usī shaḳhs ko duniyā meñ akelā dekhūñ
mujh ko kirdār kī khetī ke samar dikhlā de
itnā ḳhālī maiñ nahīñ huuñ tirā shajra dekhūñ
dil bata kaun sa qudrat ka karishma dekhun
chand dekhun ya use chhat pe Tahalta dekhun
kash taqdir wo lamha bhi mayassar kar de
aaina ban ke main jab us ka sanwarna dekhun
kis se hasil hui tahzib ki daulat tujh ko
teri poshak ko dekhun tera lahja dekhun
fikr bachchon ki mujhe jab bhi pareshan kare
be-zaban uDte parindon ka 'aqida dekhun
phul khilne ka nazara to sabhi karte hain
meri KHwahish hai ki KHushbu ko bikharta dekhun
jis ne logon ki haqiqat ko samajh rakkha hai
bas usi shaKHs ko duniya mein akela dekhun
mujh ko kirdar ki kheti ke samar dikhla de
itna KHali main nahin hun tera shajra dekhun
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
