aainon par jami aziyyat hai
ā.inoñ par jamī aziyyat hai
dekhne vāloñ kī aziyyat hai
is se aage nahīñ koī mushkil
zindagī āḳhrī aziyyat hai
dekh sakte haiñ chhū nahīñ sakte
ye bhī kitnī baḌī aziyyat hai
pyaar pahle bhī kar chukā huuñ maiñ
ye koī dūsrī aziyyat hai
qais lailā hue the jis kā shikār
terī merī vahī aziyyat hai
sone aur jāgne kī baat nahīñ
ḳhvāb to dā.imī aziyyat hai
ai mohabbat se bhāgne vaale
ye baḌe kaam kī aziyyat hai
pahle pahle maiñ yuuñ hī kahtā thā
aur ab vāqa'ī aziyyat hai
ghar ko jā.ūñ to kis liye jā.ūñ
ghar meñ rakkhī huī aziyyat hai
yaad ik dard-e-mustaqil 'ātif'
ye kahāñ mausamī aziyyat hai
aainon par jami aziyyat hai
dekhne walon ki aziyyat hai
is se aage nahin koi mushkil
zindagi aaKHri aziyyat hai
dekh sakte hain chhu nahin sakte
ye bhi kitni baDi aziyyat hai
pyar pahle bhi kar chuka hun main
ye koi dusri aziyyat hai
qais laila hue the jis ka shikar
teri meri wahi aziyyat hai
sone aur jagne ki baat nahin
KHwab to daimi aziyyat hai
ai mohabbat se bhagne wale
ye baDe kaam ki aziyyat hai
pahle pahle main yun hi kahta tha
aur ab waqa'i aziyyat hai
ghar ko jaun to kis liye jaun
ghar mein rakkhi hui aziyyat hai
yaad ek dard-e-mustaqil 'atif'
ye kahan mausami aziyyat hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
