ahl-e-wahshat mein hai dushwar numayan hona

ahl-e-vahshat meñ hai dushvār numāyāñ honā

kaam aa.egā magar chāk-garebāñ honā

jurm-e-iqrār-e-vafā kar ke hamī lauT aa.e

ham se dekhā na gayā us kā pashemāñ honā

hai ye nā-qadrī-e-hālāt hī pahchān mirī

kis ko raas aayā hai is 'ahd meñ insāñ honā

sar-ba-kaf ghar se nikalnā to hai shart-e-avval

itnā āsān nahīñ chāk-garebāñ honā

jis ko mil jaanā ho mil jaao magar mushkil se

dekho is shahr meñ aanā to na āsāñ honā

ahl-e-wahshat mein hai dushwar numayan hona

kaam aaega magar chaak-gareban hona

jurm-e-iqrar-e-wafa kar ke hami lauT aae

hum se dekha na gaya us ka pasheman hona

hai ye na-qadri-e-haalat hi pahchan meri

kis ko ras aaya hai is 'ahd mein insan hona

sar-ba-kaf ghar se nikalna to hai shart-e-awwal

itna aasan nahin chaak-gareban hona

jis ko mil jaana ho mil jao magar mushkil se

dekho is shahr mein aana to na aasan hona