agar uski na meri ho rahi hai

agar us kī na merī ho rahī hai

to yaaro baat kis kī ho rahī hai

kahīñ sūraj mile to us se kahnā

hamārī raat lambī ho rahī hai

maiñ jis kī chhāñv meñ baiThā huā huuñ

vahī dīvār TeḌhī ho rahī hai

kahāñ se aa rahī hai gard itnī

shab-e-mahtāb mailī ho rahī hai

koī sūraj-mukhī aayā chaman meñ

havā-e-gul sunahrī ho rahī hai

agar us ki na meri ho rahi hai

to yaro baat kis ki ho rahi hai

kahin suraj mile to us se kahna

hamari raat lambi ho rahi hai

main jis ki chhanw mein baiTha hua hun

wahi diwar TeDhi ho rahi hai

kahan se aa rahi hai gard itni

shab-e-mahtab maili ho rahi hai

koi suraj-mukhi aaya chaman mein

hawa-e-gul sunahri ho rahi hai