zist ke ehtimam jaanti hai

ziist ke ehtimām jāntī hai

yā'nī ādāb-e-shām jāntī hai

kab rukūñgā chalūñgā maiñ kis dam

vo mirā har ḳhirām jāntī hai

maiñ nikammā huā mohabbat meñ

vo magar saare kaam jāntī hai

yā'nī āzād ek panchhī hai

yā'nī duniyā ke daam jāntī hai

Thiik hogā nahīñ jahān-e-ḳharāb

vo yahāñ kā nizām jāntī hai

kuchh gile aur bahut sī tā'rīfeñ

yā'nī sab intizām jāntī hai

jī rahī hai kuchh aisī 'ujlat meñ

ziist ko tezgām jāntī hai

zist ke ehtimam jaanti hai

ya'ni aadab-e-sham jaanti hai

kab rukunga chalunga main kis dam

wo mera har KHiram jaanti hai

main nikamma hua mohabbat mein

wo magar sare kaam jaanti hai

ya'ni aazad ek panchhi hai

ya'ni duniya ke dam jaanti hai

Thik hoga nahin jahan-e-KHarab

wo yahan ka nizam jaanti hai

kuchh gile aur bahut si ta'rifen

ya'ni sab intizam jaanti hai

ji rahi hai kuchh aisi 'ujlat mein

zist ko tezgam jaanti hai