yunhi uncha nahin apna sar hai miyan
yūñhī ūñchā nahīñ apnā sar hai miyāñ
apnī nān-e-javīñ par guzar hai miyāñ
jis jagah raat hogī Thahar jā.eñge
ham faqīroñ kā bhī koī ghar hai miyāñ
dil dhaḌakne kī āvāz sunte raho
mā-sivā jo bhī hai shor-o-shar hai miyāñ
chāhe maqdūr bhar ham tamāshā kareñ
ab junūñ meñ bhī koī asar hai miyāñ
aañkh jhapkī nigāhoñ se ojhal huā
kab nazāra koī mo'tabar hai miyāñ
kahte haiñ 'ishq aur mushk chhupte nahīñ
kin havāoñ meñ apnī ḳhabar hai miyāñ
sab bañdhe haiñ zarūrat ke rahvār se
kaun marzī se garm-e-safar hai miyāñ
is ḳharābe meñ kaun aa ke ābād hai
koī jin hai parī hai bashar hai miyāñ
yunhi uncha nahin apna sar hai miyan
apni nan-e-jawin par guzar hai miyan
jis jagah raat hogi Thahar jaenge
hum faqiron ka bhi koi ghar hai miyan
dil dhaDakne ki aawaz sunte raho
ma-siwa jo bhi hai shor-o-shar hai miyan
chahe maqdur bhar hum tamasha karen
ab junun mein bhi koi asar hai miyan
aankh jhapki nigahon se ojhal hua
kab nazara koi mo'tabar hai miyan
kahte hain 'ishq aur mushk chhupte nahin
kin hawaon mein apni KHabar hai miyan
sab bandhe hain zarurat ke rahwar se
kaun marzi se garm-e-safar hai miyan
is KHarabe mein kaun aa ke aabaad hai
koi jin hai pari hai bashar hai miyan
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
