wo ishq ke KHumar se bahar nikal gai
vo 'ishq ke ḳhumār se bāhar nikal ga.ī
titlī jo kū-e-yār se bāhar nikal ga.ī
maiñ us ko bhuul jā.ūñ ye mumkin nahīñ rahā
ye baat iḳhtiyār se bāhar nikal ga.ī
haañ tum ne qaid karne kī koshish to kī bahut
jo raushnī thī ġhaar se bāhar nikal ga.ī
ab faisle kī koī bhī sūrat nahīñ rahī
ye jang jiit haar se bāhar nikal ga.ī
vo ruuh jo taḌaptī rahī aap ke liye
ab jism ke hisār se bāhar nikal ga.ī
wo 'ishq ke KHumar se bahar nikal gai
titli jo ku-e-yar se bahar nikal gai
main us ko bhul jaun ye mumkin nahin raha
ye baat iKHtiyar se bahar nikal gai
han tum ne qaid karne ki koshish to ki bahut
jo raushni thi ghaar se bahar nikal gai
ab faisle ki koi bhi surat nahin rahi
ye jang jit haar se bahar nikal gai
wo ruh jo taDapti rahi aap ke liye
ab jism ke hisar se bahar nikal gai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
