ukta gae kuchh aise dil-e-laKHt-laKHt se
uktā ga.e kuchh aise dil-e-laḳht-laḳht se
baiThe haiñ ḳhānqāh pe murda-parast se
pariyoñ ke des aur tilismī charāġh kā
shāyad pata mile kisī āzād-baḳht se
galiyoñ se pahre-dār kī aane lagī sadā
shahroñ meñ aa ga.e haiñ kahāñ log dasht se
dīvār chāTne kī sazā ham pe aa paḌī
mā'dūm ho ga.e haiñ magar log past se
'az.har' maiñ jangaloñ meñ bhaTaktā rahā magar
koī sadā na aa.ī kisī bhī daraḳht se
ukta gae kuchh aise dil-e-laKHt-laKHt se
baiThe hain KHanqah pe murda-parast se
pariyon ke des aur tilismi charagh ka
shayad pata mile kisi aazad-baKHt se
galiyon se pahre-dar ki aane lagi sada
shahron mein aa gae hain kahan log dasht se
diwar chaTne ki saza hum pe aa paDi
ma'dum ho gae hain magar log past se
'azhar' main jangalon mein bhaTakta raha magar
koi sada na aai kisi bhi daraKHt se
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
