ta’dilu i’dilu aayat pe pabandi hai

tā’dilū i’dilū āyāt pe pābandī hai

is liye ek mulāqāt pe pābandī hai

jaan Daalī hai tan-e-murda meñ ik āñchal ne

kaun kahtā hai karāmāt pe pābandī hai

koī gar chāhe to khul kar bhī nahīñ ro saktā

hukm-e-hākim hai ki barsāt pe pābandī hai

husn vāloñ se javāb is kā koī le aa.e

aap ke diin meñ ḳhairāt pe pābandī hai

qaid kar Daalā parinde ko hai piñjre meñ magar

kaun samjhā.e ki naġhmāt pe pābandī hai

kaise rishtoñ ke taqaddus ko hai pāmāl kiyā

bas zabānī hī ḳhurāfāt pe pābandī hai

ġham hazāroñ hoñ to pūchhegā na koī ahmad

bas yahāñ ḳhushiyoñ kī bohtāt pe pābandī hai

ta’dilu i’dilu aayat pe pabandi hai

is liye ek mulaqat pe pabandi hai

jaan Dali hai tan-e-murda mein ek aanchal ne

kaun kahta hai karamat pe pabandi hai

koi gar chahe to khul kar bhi nahin ro sakta

hukm-e-hakim hai ki barsat pe pabandi hai

husn walon se jawab is ka koi le aae

aap ke din mein KHairaat pe pabandi hai

qaid kar Dala parinde ko hai pinjre mein magar

kaun samjhae ki naghmat pe pabandi hai

kaise rishton ke taqaddus ko hai pamal kiya

bas zabani hi KHurafat pe pabandi hai

gham hazaron hon to puchhega na koi ahmad

bas yahan KHushiyon ki bohtat pe pabandi hai