main itna aam hua itna aam duniya mein

maiñ itnā 'aam huā itnā 'aam duniyā meñ

ki yūñhī bantā gayā merā naam duniyā meñ

mire 'alāva koī aur bhī taḌaptā hai

guzārte hue tanhā ye shaam duniyā meñ

maiñ jaan buujh ke kahtā huuñ Thiik hai sab kuchh

vagarna Thiik kahāñ hai nizām duniyā meñ

ai mere ḳhvāb bahut tez chal rahe ho tum

batā ki kaise tujhe duuñ lagām duniyā meñ

junūn-e-'ishq to dekho ki naam ke badle

likhā hai ḳhat meñ tumhārā ġhulām duniyā meñ

vahāñ bahisht meñ mumkin nahīñ mile ham ko

tirī nazar ne pilāyā jo jaam duniyā meñ

pahāḌ peḌ parinde gulāb maiñ aur tum

ḳhudā ne ḳhuub kiyā ehtimām duniyā meñ

utaar do abhī zanjīr-e-‘ishq ko 'mushtāq'

bahut se aur bhī karne haiñ kaam duniyā meñ

main itna 'am hua itna 'am duniya mein

ki yunhi banta gaya mera nam duniya mein

mere 'alawa koi aur bhi taDapta hai

guzarte hue tanha ye sham duniya mein

main jaan bujh ke kahta hun Thik hai sab kuchh

wagarna Thik kahan hai nizam duniya mein

ai mere KHwab bahut tez chal rahe ho tum

bata ki kaise tujhe dun lagam duniya mein

junun-e-'ishq to dekho ki nam ke badle

likha hai KHat mein tumhaara ghulam duniya mein

wahan bahisht mein mumkin nahin mile hum ko

teri nazar ne pilaya jo jam duniya mein

pahaD peD parinde gulab main aur tum

KHuda ne KHub kiya ehtimam duniya mein

utar do abhi zanjir-e-‘ishq ko 'mushtaq'

bahut se aur bhi karne hain kaam duniya mein