likhne hain abhi marsiya-ha-e-dil-o-jaan aur

likhne haiñ abhī marsiya-hā-e-dil-o-jāñ aur

kuchh zaḳhm mujhe ai mire marham-nazarāñ aur

itnā hī ki bas naġhma-sarāyān-e-jahāñ haiñ

miltā nahīñ kuchh is ke sivā apnā nishāñ aur

khīñche hai mirī tab'-e-suḳhan apnī hī jānib

aur gardish-e-daurāñ hai ki dikhlā.e samāñ aur

kuchh nazr hue vaqt kī be-rahm havā ke

kuchh ḳhvāb abhī mere lahū meñ haiñ ravāñ aur

har lahza maiñ āzādī-e-jāñ kā thā talabgār

har gaam paḌī paaoñ meñ zanjīr-e-girāñ aur

likhne hain abhi marsiya-ha-e-dil-o-jaan aur

kuchh zaKHm mujhe ai mere marham-nazaran aur

itna hi ki bas naghma-sarayan-e-jahan hain

milta nahin kuchh is ke siwa apna nishan aur

khinche hai meri tab'-e-suKHan apni hi jaanib

aur gardish-e-dauran hai ki dikhlae saman aur

kuchh nazr hue waqt ki be-rahm hawa ke

kuchh KHwab abhi mere lahu mein hain rawan aur

har lahza main aazadi-e-jaan ka tha talabgar

har gam paDi paon mein zanjir-e-giran aur