KHwab ki kirchi mein taswir paDi hai meri
ḳhvāb kī kirchī meñ tasvīr paḌī hai merī
mujh se pūchho to ye āḳhīr paḌī hai merī
maiñ kabhī vaqt pe pahuñchī nahīñ ḳhud se milne
pesh-e-pā kuchh nahīñ tāḳhīr paḌī hai merī
āsmānoñ kī taraf uḌtā huā dekh mujhe
TūTī-phūTī huī zanjīr paḌī hai merī
mujh ko batlā diyā qudrat ne irāda apnā
raakh ke Dher meñ tā'mīr paḌī hai merī
le ga.ī uñglī pakaḌ kar mujhe bīmārī-e-dil
aur mirī jeb meñ iksīr paḌī hai merī
maiñ uḌūñgī to mirī raah khulegī 'mahnāz'
par-e-ḳhvāhish meñ hī tanvīr paḌī hai merī
KHwab ki kirchi mein taswir paDi hai meri
mujh se puchho to ye aaKHir paDi hai meri
main kabhi waqt pe pahunchi nahin KHud se milne
pesh-e-pa kuchh nahin taKHir paDi hai meri
aasmanon ki taraf uDta hua dekh mujhe
TuTi-phuTi hui zanjir paDi hai meri
mujh ko batla diya qudrat ne irada apna
rakh ke Dher mein ta'mir paDi hai meri
le gai ungli pakaD kar mujhe bimari-e-dil
aur meri jeb mein iksir paDi hai meri
main uDungi to meri rah khulegi 'mahnaz'
par-e-KHwahish mein hi tanwir paDi hai meri
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
