bhule bhaTke hue raston se nahin aae hain

bhūle bhaTke hue rastoñ se nahīñ aa.e haiñ

ham yahāñ jhūTe qasīdoñ se nahīñ aa.e haiñ

ham pe lāzim thā charāġhoñ kī hifāzat karnā

sulh karne ko havāoñ se nahīñ aa.e haiñ

jalte bujhte hue jugnū haiñ hamāre andar

raushnī le ke charāġhoñ se nahīñ aa.e haiñ

jūtiyāñ kī haiñ sadā ahl-e-adab kī sīdhī

ham sabaq paḌh ke kitāboñ se nahīñ aa.e haiñ

sirf afkār kī ḳhushbū hameñ laa.ī hai yahāñ

terī mahfil meñ havāloñ se nahīñ aa.e haiñ

apnī pahchān banā.ī hai jahāñ meñ ham ne

uTh ke ajdād kī qabroñ se nahīñ aa.e haiñ

bhule bhaTke hue raston se nahin aae hain

hum yahan jhuTe qasidon se nahin aae hain

hum pe lazim tha charaghon ki hifazat karna

sulh karne ko hawaon se nahin aae hain

jalte bujhte hue jugnu hain hamare andar

raushni le ke charaghon se nahin aae hain

jutiyan ki hain sada ahl-e-adab ki sidhi

hum sabaq paDh ke kitabon se nahin aae hain

sirf afkar ki KHushbu hamein lai hai yahan

teri mahfil mein hawalon se nahin aae hain

apni pahchan banai hai jahan mein hum ne

uTh ke ajdad ki qabron se nahin aae hain