عاشق کا جہاں میں گھر نہ دیکھا
عاشق کا جہاں میں گھر نہ دیکھا
ایسا کوئی در بدر نہ دیکھا
جیسا کہ اڑے ہے طائر دل
ایسا کوئی تیز پر نہ دیکھا
خوبان جہاں ہوں جس سے تسخیر
ایسا کوئی ہم ہنر نہ دیکھا
ٹوٹے دل کو بنا دکھاوے
ایسا کوئی کاری گر نہ دیکھا
اس تیغ نگہ سے ہو مقابل
ایسا کوئی بے جگر نہ دیکھا
جاری ہیں ہمیشہ چشمۂ چشم
ایسا کوئی ابر تر نہ دیکھا
جو آب ہے آبرو میں حاتمؔ
ایسا کوئی ہم گہر نہ دیکھا
مأخذ :
- کتاب : Diwan-e-Zaada (Pg. 112)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
