tab-e-junun-sarisht hi kuchh hila-ju na thi

tab'-e-junūñ-sarisht hī kuchh hīla-jū na thī

taufīq-e-zabt thī ki majāl-e-rafū na thī

āḳhir kabhī to jur'a-e-sahbā-e-lutf bhī

mai se faqat murād mai-e-ārzū na thī

vo vaz’-e-ḳhāmushī kā zabāñ-āshnā na thā

iz.hār apne nutq-e-tamannā kī ḳhū na thī

itnā shadīd qaht-e-murāvat kabhī na thā

nāmūs-e-dard yuuñ kabhī be-ābrū na thī

jazboñ kā ḳhuuñ alag thā bichhaḌne kā dukh alag

shām-e-firāq dil ko aziyyat do-gūna thī

phir shāḳh-e-dil pe khil na sake ḳhvāhishoñ ke phuul

us dasht-e-be-giyāh meñ tāb-e-numū na thī

'gauhar' ġhazal kahī pa.e-taqrīb-e-'arz-e-ġham

us kam-suḳhan se aur rah-e-guftugū na thī

tab'-e-junun-sarisht hi kuchh hila-ju na thi

taufiq-e-zabt thi ki majal-e-rafu na thi

aaKHir kabhi to jur'a-e-sahba-e-lutf bhi

mai se faqat murad mai-e-arzu na thi

wo waz’-e-KHamushi ka zaban-ashna na tha

izhaar apne nutq-e-tamanna ki KHu na thi

itna shadid qaht-e-murawat kabhi na tha

namus-e-dard yun kabhi be-abru na thi

jazbon ka KHun alag tha bichhaDne ka dukh alag

sham-e-firaq dil ko aziyyat do-guna thi

phir shaKH-e-dil pe khil na sake KHwahishon ke phul

us dasht-e-be-giyah mein tab-e-numu na thi

'gauhar' ghazal kahi pae-taqrib-e-'arz-e-gham

us kam-suKHan se aur rah-e-guftugu na thi