mujhe kab zindagi ki aarzu hai
mujhe kab zindagī kī aarzū hai
magar jab tak tumhārī justujū hai
bahāreñ hī bahāreñ haiñ chaman meñ
guloñ meñ rang hai baaqī na bū hai
Duboyā nā-ḳhudā ne jo safīnā
kināroñ ko usī kī justujū hai
judā.ī kī shikāyat kar rahā huuñ
usī se jo hamesha rū-barū hai
tire chehre kī rangat dekhtā huuñ
ye kis kī ārzūoñ kā lahū hai
jise tū pī rahā hai mai-kade meñ
lahū hai vo lahū hai vo lahū hai
tujhe ik baar kyā 'vāsif' ne dekhā
tujhe phir dekhne kī aarzū hai
mujhe kab zindagi ki aarzu hai
magar jab tak tumhaari justuju hai
bahaaren hi bahaaren hain chaman mein
gulon mein rang hai baqi na bu hai
Duboya na-KHuda ne jo safina
kinaron ko usi ki justuju hai
judai ki shikayat kar raha hun
usi se jo hamesha ru-baru hai
tere chehre ki rangat dekhta hun
ye kis ki aarzuon ka lahu hai
jise tu pi raha hai mai-kade mein
lahu hai wo lahu hai wo lahu hai
tujhe ek bar kya 'wasif' ne dekha
tujhe phir dekhne ki aarzu hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
