main ja-ba-ja phira hun teri aarzu liye
maiñ jā-ba-jā phirā huuñ tirī aarzū liye
ḳhud ko bhulā chukā huuñ tirī aarzū liye
maqsad mujhe hayāt kā tū ne bhulā diyā
terā banā rahā huuñ tirī aarzū liye
duniyā basī huī hai samundar ke paar bhī
us paar bhī gayā huuñ tirī aarzū liye
ik justujū ne dil kā sukūñ tak churā liyā
jangal meñ aa basā huuñ tirī aarzū liye
'shākir' mujhe sukūñ se jahāñ niiñd aa sake
us shahr ko chalā huuñ tirī aarzū liye
main ja-ba-ja phira hun teri aarzu liye
KHud ko bhula chuka hun teri aarzu liye
maqsad mujhe hayat ka tu ne bhula diya
tera bana raha hun teri aarzu liye
duniya basi hui hai samundar ke par bhi
us par bhi gaya hun teri aarzu liye
ek justuju ne dil ka sukun tak chura liya
jangal mein aa basa hun teri aarzu liye
'shakir' mujhe sukun se jahan nind aa sake
us shahr ko chala hun teri aarzu liye
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
