kotah-qad hain hum to koi sar-kashida ho
kotāh-qad haiñ ham to koī sar-kashīda ho
āvāza ho kuchh aisā ki har-kas shunīda ho
vo iltifāt-e-ḳhās pe maa.el huā to kyā
phailā.e kyā vo shaḳhs jo dāman-darīda ho
us vaqt tak to shāḳh meñ rahnā hī chāhiye
jab tak ki koī ġhuncha-e-gul nau-damīda ho
kaisī ye shāḳh hai ki samar se jhukī nahīñ
har shaḳhs dil meñ kahtā hai pyārī ḳhamīda ho
jī chāhtā hai khul ke kisī kī sanā kareñ
lekin ye sochte haiñ ki kis kā qasīda ho
'ārif' tamām 'umr rahī dil meñ aarzū
jo likkhūñ chhap sake koī aisā jarīda ho
kotah-qad hain hum to koi sar-kashida ho
aawaza ho kuchh aisa ki har-kas shunida ho
wo iltifat-e-KHas pe mael hua to kya
phailae kya wo shaKHs jo daman-darida ho
us waqt tak to shaKH mein rahna hi chahiye
jab tak ki koi ghuncha-e-gul nau-damida ho
kaisi ye shaKH hai ki samar se jhuki nahin
har shaKHs dil mein kahta hai pyari KHamida ho
ji chahta hai khul ke kisi ki sana karen
lekin ye sochte hain ki kis ka qasida ho
'arif' tamam 'umr rahi dil mein aarzu
jo likkhun chhap sake koi aisa jarida ho
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
