abhi bana bhi na tha sham’-dan kaghaz par

abhī banā bhī na thā sham’-dān kāġhaz par

patange aa gaye dene ko jaan kāġhaz par

mirī likhā.ī pe mashkūk hai agar duniyā

to aa ke le le mirā imtihān kāġhaz par

uThā ġhubār-e-ta'assub ka.ī lakīroñ se

banā rahā thā maiñ hindostān kāġhaz par

zarā sī 'umr meñ ūñchī uḌaan bharne ko

banātā rahtā hai vo āsmān kāġhaz par

liyā diyā huā dil meñ hisāb rakhte haiñ

ham ahl-e-dil nahīñ karte juḌān kāġhaz par

'na'īm' ek na.e she'r ke tajassus meñ

kabhī kabhī to khiñch aatī hai jaan kāġhaz par

abhi bana bhi na tha sham’-dan kaghaz par

patange aa gaye dene ko jaan kaghaz par

meri likhai pe mashkuk hai agar duniya

to aa ke le le mera imtihan kaghaz par

uTha ghubar-e-ta'assub kai lakiron se

bana raha tha main hindostan kaghaz par

zara si 'umr mein unchi uDan bharne ko

banata rahta hai wo aasman kaghaz par

liya diya hua dil mein hisab rakhte hain

hum ahl-e-dil nahin karte juDan kaghaz par

'na'im' ek nae she'r ke tajassus mein

kabhi kabhi to khinch aati hai jaan kaghaz par