aarzu itni hai jaan-e-arzu

aarzū itnī hai jān-e-ārzū

justujū-o-justujū-o-justujū

zabt-e-ġham se thī hamārī aabrū

ashk ruk jaa.e Tapaktā hai lahū

ham ko zauq-e-dīd le aayā kahāñ

aa.ina ham ham nazar ham rū-barū

ḳhāmushī hai gosh-bar-āvāz kyuuñ

bām-o-dar meñ ho rahī hai guftugū

mimbar-e-talqīn par rind-e-ḳharāb

chaḌh gayā hai haath meñ le kar subū

band ho jaa.e to khul jaatī hai aañkh

duur se aatī hai pairāhan kī bū

TuuT jaatī hai kalī khiltī nahīñ

dāman-e-gul ho nahīñ saktā rafū

aañkh sājid aañkh hī masjūd hai

ḳhūn-e-dil se aañkh kartī hai vuzū

kam-nigāhī hai haram se bad-gumāñ

chashm-e-bīnā ho to kā'ba chār-sū

ban ke afsāna tirā jān-e-bahār

phir rahā hai aaj 'vāsif' kū-ba-kū

aarzu itni hai jaan-e-arzu

justuju-o-justuju-o-justuju

zabt-e-gham se thi hamari aabru

ashk ruk jae Tapakta hai lahu

hum ko zauq-e-did le aaya kahan

aaina hum hum nazar hum ru-baru

KHamushi hai gosh-bar-awaz kyun

baam-o-dar mein ho rahi hai guftugu

mimbar-e-talqin par rind-e-KHarab

chaDh gaya hai hath mein le kar subu

band ho jae to khul jati hai aankh

dur se aati hai pairahan ki bu

TuT jati hai kali khilti nahin

daman-e-gul ho nahin sakta rafu

aankh sajid aankh hi masjud hai

KHun-e-dil se aankh karti hai wuzu

kam-nigahi hai haram se bad-guman

chashm-e-bina ho to ka'ba chaar-su

ban ke afsana tera jaan-e-bahaar

phir raha hai aaj 'wasif' ku-ba-ku