aankhon mein uski maine aaKHir malal dekha

āñkhoñ meñ us kī maiñ ne āḳhir malāl dekhā

kin kin bulandiyoñ par apnā zavāl dekhā

sāz-e-falak ne chheḌā ma.anī kā raag jis dam

farsh-e-zamīñ pe raqsāñ pā-e-ḳhayāl dekhā

vo kūdte uchhalte rangīn pairahan the

ma.asūm qahqahoñ meñ uḌtā gulāl dekhā

ye kaun hai jo mujh meñ mujh se ulajh rahā hai

sau baar maiñ ne ḳhud ko ḳhud se nikāl dekhā

kyā jaane kaun haiñ vo jin ke liye judā haiñ

maiñ ne to ek sūrat hijr-o-visāl dekhā

kuchh zaḳhm kāvishoñ ke kuchh hasratoñ ke lāshe

bāhar se kuchh ziyāda andar qitāl dekhā

nākām hasratoñ kī rūdād muḳhtasar hai

bhaa.e vo kaam jī ko jin ko muhāl dekh

ai dil ḳhabīs ab tū kis kis pe jaan degā

maiñ ne to har qadam par ik be-misāl dekhā

tārīḳh hai ki ḳhud ko dohrā.e jā rahī hai

baasī kaḌhī meñ ham ne yuuñ bhī ubaal dekhā

dil se utar ga.iiñ ab pās-e-vafā kī bāteñ

maiñ ne bhī ek muddat tak ye rog paal dekhā

bas thā ki us se pūchhūñ ye ḳhush-gumāniyāñ kyoñ

itne meñ us ke muñh par apnā savāl dekhā

kuchh saaf us kā chehra matlab nahīñ batātā

yuuñ thā ki jaise maiñ ne qur.āñ meñ faal dekhā

mujh ko ġharaz nahīñ kuchh kaisā hai aur kyā hai

jo bhī ḳhayāl aaya sheroñ meñ Dhaal dekhā

aankhon mein us ki main ne aaKHir malal dekha

kin kin bulandiyon par apna zawal dekha

saz-e-falak ne chheDa mani ka rag jis dam

farsh-e-zamin pe raqsan pa-e-KHayal dekha

wo kudte uchhalte rangin pairahan the

masum qahqahon mein uDta gulal dekha

ye kaun hai jo mujh mein mujh se ulajh raha hai

sau bar main ne KHud ko KHud se nikal dekha

kya jaane kaun hain wo jin ke liye juda hain

main ne to ek surat hijr-o-visal dekha

kuchh zaKHm kawishon ke kuchh hasraton ke lashe

bahar se kuchh ziyaada andar qital dekha

nakaam hasraton ki rudad muKHtasar hai

bhae wo kaam ji ko jin ko muhaal dekh

ai dil KHabis ab tu kis kis pe jaan dega

main ne to har qadam par ek be-misal dekha

tariKH hai ki KHud ko dohrae ja rahi hai

basi kaDhi mein hum ne yun bhi ubaal dekha

dil se utar gain ab pas-e-wafa ki baaten

main ne bhi ek muddat tak ye rog pal dekha

bas tha ki us se puchhun ye KHush-gumaniyan kyon

itne mein us ke munh par apna sawal dekha

kuchh saf us ka chehra matlab nahin batata

yun tha ki jaise main ne quran mein fal dekha

mujh ko gharaz nahin kuchh kaisa hai aur kya hai

jo bhi KHayal aaya sheron mein Dhaal dekha