zer-e-zamin rahe na tah-e-asman rahe

zer-e-zamīñ rahe na tah-e-āsmāñ rahe

'ālam vo koī aur hī thā ham jahāñ rahe

vo mehrbān ho ke jo pūchheñ bhī hāl-e-zār

qaabū meñ dil rahe na kahe meñ zabāñ rahe

jab dil jale to aa.e na kyuuñ kar zabāñ pe aah

mumkin nahīñ ki sho'le se dab kar dhuāñ rahe

dil kī ḳhalish ke lutf pe sadqe jahāñ kā chain

āzār ban ke bhī to vo ārām-e-jāñ rahe

jaate hue havās se pūchhā na ai 'kalīm'

ham to usī maqām pe the tum kahāñ rahe

tevar dikhā.e us ne kuchh aise ki ham 'munīr'

muñh meñ zabān hote hue be-zabāñ rahe

zer-e-zamin rahe na tah-e-asman rahe

'alam wo koi aur hi tha hum jahan rahe

wo mehrban ho ke jo puchhen bhi haal-e-zar

qabu mein dil rahe na kahe mein zaban rahe

jab dil jale to aae na kyun kar zaban pe aah

mumkin nahin ki sho'le se dab kar dhuan rahe

dil ki KHalish ke lutf pe sadqe jahan ka chain

aazar ban ke bhi to wo aaram-e-jaan rahe

jate hue hawas se puchha na ai 'kalim'

hum to usi maqam pe the tum kahan rahe

tewar dikhae us ne kuchh aise ki hum 'munir'

munh mein zaban hote hue be-zaban rahe