ji mera mujhse ye kahta hai ki Tal jaunga

jī mirā mujh se ye kahtā hai ki Tal jā.ūñgā

haath se dil ke tire ab maiñ nikal jā.ūñgā

lutf ai ashk ki juuñ sham' ghulā jaatā huuñ

rahm ai āh-e-sharar-bār ki jal jā.ūñgā

qatra-e-ashk huuñ pyāre mire nazzāre se

kyuuñ ḳhafā hote ho pal mārte Dhal jā.ūñgā

chheḌ mat bād-e-bahārī ki maiñ juuñ nik.hat-e-gul

phaaḌ kar kapḌe abhī ghar se nikal jā.ūñgā

kahte haiñ vo jo hai 'saudā' kā qasīda hai ḳhuub

un kī ḳhidmat meñ liye maiñ ye ġhazal jā.ūñgā

ji mera mujh se ye kahta hai ki Tal jaunga

hath se dil ke tere ab main nikal jaunga

lutf ai ashk ki jun sham' ghula jata hun

rahm ai aah-e-sharar-bar ki jal jaunga

qatra-e-ashk hun pyare mere nazzare se

kyun KHafa hote ho pal marte Dhal jaunga

chheD mat baad-e-bahaari ki main jun nikhat-e-gul

phaD kar kapDe abhi ghar se nikal jaunga

kahte hain wo jo hai 'sauda' ka qasida hai KHub

un ki KHidmat mein liye main ye ghazal jaunga