bazm-e-gham KHun-e-jigar par mere mehman thi raat

bazm-e-ġham ḳhūn-e-jigar par mire mehmān thī raat

āh-e-sar-garm mirī sham'-e-shabistān thī raat

dekhiye aaj ki kis tarh se guzre ham par

din se mahshar ke to kal dast-o-garebān thī raat

qatre us chehre pe shab yuuñ the 'araq ke goyā

jā-e-shabnam ba۔gulistāñ guhar-afshān thī raat

guzrī pal mārte is tarh ki jaise shab-e-vasl

be-ḳhudī apnī 'ajab bar-sar-e-ehsān thī raat

din to nazroñ meñ shab-e-qīr thā mere tujh bin

mahfil-e-ġhair meñ ḳhurshīd-e-daraḳhshān thī raat

bazm-e-gham KHun-e-jigar par mere mehman thi raat

aah-e-sar-garm meri sham'-e-shabistan thi raat

dekhiye aaj ki kis tarh se guzre hum par

din se mahshar ke to kal dast-o-gareban thi raat

qatre us chehre pe shab yun the 'araq ke goya

ja-e-shabnam ba۔gulistan guhar-afshan thi raat

guzri pal marte is tarh ki jaise shab-e-wasl

be-KHudi apni 'ajab bar-sar-e-ehsan thi raat

din to nazron mein shab-e-qir tha mere tujh bin

mahfil-e-ghair mein KHurshid-e-daraKHshan thi raat