میں فتح ذات منظر تک نہ پہنچا
میں فتح ذات منظر تک نہ پہنچا
مرا تیشہ مرے سر تک نہ پہنچا
اسے معمار لکھا بستیوں نے
کہ جو پہلے ہی پتھر تک نہ پہنچا
تجارت دل کی دھڑکن گن رہی ہے
تعلق لطف منظر تک نہ پہنچا
شگفتہ گال تیکھے خط کا موسم
دوبارہ نخل پیکر تک نہ پہنچا
بہت چھوٹا سفر تھا زندگی کا
میں اپنے گھر کے اندر تک نہ پہنچا
یہ کیسا پیاس کا موسم ہے احمدؔ
سمندر دیدۂ تر تک نہ پہنچا
یہ متن درج ذیل زمرے میں بھی شامل ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
