کیا کہوں کیا ملا ہے کیا نہ ملا
کیا کہوں کیا ملا ہے کیا نہ ملا
دل بھی شایان دل ربا نہ ملا
تلخئ زندگی ارے توبہ
زہر میں زہر کا مزا نہ ملا
ہم کو اپنی خبر نہ دامن کی
چشم رحمت کو اک بہانہ ملا
لاکھ ملنے کا ایک ملنا ہے
کہ ہمیں اذن التجا نہ ملا
فتنۂ رند و محتسب توبہ
برملا کوئی پارسا نہ ملا
تھی بڑی بھیڑ اس کے کوچے میں
خضر آئے تھے راستا نہ ملا
کس سے ملئے روشؔ کہ دلی میں
سب ملے وہ خود آشنا نہ ملا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
