کبھی کچھ تو کسی کے واسطے دل سے دعا کر لو

کبھی کچھ تو کسی کے واسطے دل سے دعا کر لو

یہی انسانیت کا فرض ہے تم بھی ادا کر لو

یہ دنیا خوبصورت ہے یقیں آ جائے گا تم کو

کسی سے دل لگانے کی کبھی کوئی خطا کر لو

ہماری اپنی فطرت ہے وفا کرنا وفا کر لی

تمہاری اپنی مرضی ہے وفا کر لو جفا کر لو

تمہارے ہر قدم پر کیوں نہ جانے دل دھڑکتا ہے

تمہارا کیا بھروسہ تم نہ جانے کیا سے کیا کر لو

کوئی بھی شخص دنیا میں تمہیں چھوٹا نظر نہ آئے

تم اپنے سوچنے کا دائرہ اتنا بڑا کر لو