aankh se aansu Tapka hoga
aañkh se aañsū Tapkā hogā
sub.h kā taarā TuuTā hogā
phail ga.ī hai nuur kī chādar
ruḳh se āñchal sarkā hogā
phail ga.e haiñ raat ke saa.e
aañkh se kājal Dhalkā hogā
bikhrī pattī dekh ke gul kī
kaliyoñ ne kyā kyā sochā hogā
dekh musāfir bhuut nahīñ hai
raah kā patta khaḌkā hogā
āriz-e-gul pe dekh ke shabnam
kaliyoñ ne muñh dhoyā hogā
chup chup rahnā Thiik nahīñ hai
baat baḌhegī charchā hogā
ghuum rahe haiñ shahroñ shahroñ
koī to āḳhir tum sā hogā
aaj kuaañ bhī chīḳh uThā hai
kisī ne patthar maarā hogā
phail ga.ī hai pyaar kī ḳhushbū
koī patiñgā jaltā hogā
mujh se naata toḌ ke sāhil
vo bhī ab pachhtātā hogā
aankh se aansu Tapka hoga
subh ka tara TuTa hoga
phail gai hai nur ki chadar
ruKH se aanchal sarka hoga
phail gae hain raat ke sae
aankh se kajal Dhalka hoga
bikhri patti dekh ke gul ki
kaliyon ne kya kya socha hoga
dekh musafir bhut nahin hai
rah ka patta khaDka hoga
aariz-e-gul pe dekh ke shabnam
kaliyon ne munh dhoya hoga
chup chup rahna Thik nahin hai
baat baDhegi charcha hoga
ghum rahe hain shahron shahron
koi to aaKHir tum sa hoga
aaj kuan bhi chiKH uTha hai
kisi ne patthar mara hoga
phail gai hai pyar ki KHushbu
koi patinga jalta hoga
mujh se nata toD ke sahil
wo bhi ab pachhtata hoga
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
