mai.n ne sunaa hai 'azm-e-safar kar rahaa hai tuu

maiñ ne sunā hai 'azm-e-safar kar rahā hai tū

'ishq-e-harīf-o-yār-e-digar kar rahā hai tū

tū ajnabī hai dahr meñ dushman hai ik jahān

kis jā kā qasd ḳhasta-jigar kar rahā hai tū

tū mujh se ḳhud ko chhīn ke begānoñ meñ na jā

chupke se sū-e-ġhair nazar kar rahā hai tū

ai chāñd charḳh zer-o-zabar hai tire liye

mujh ko ḳharāb-o-zer-o-zabar kar rahā hai tū

paimān-o-'ahd mujh se kiye the vo kyā hue

kyā 'ahd the ki jin se mafar kar rahā hai tū

tere qadam vajūd-o-'adam se buland haiñ

phir kyoñ vujūd hī se safar kar rahā hai tū

ai dozaḳh-o-bahisht tire amr ke ġhulām

kyoñ ye bahisht mujh pe saqar kar rahā hai tū

hai bas-ki aag jaañ mirī tū phir bhī ḳhush nahīñ

kyoñ ruḳh mirā firāq se zar kar rahā hai tū

ġham se siyāh chāñd ho gar ruḳh tirā chhupe

kyoñ chāñd ke gahan kā safar kar rahā hai tū

hotā huuñ ḳhushk-lab maiñ tirī ḳhushk-rūī se

ashkoñ se aañkh kyoñ mirī tar kar rahā hai tū

main ne suna hai 'azm-e-safar kar raha hai tu

'ishq-e-harif-o-yar-e-digar kar raha hai tu

tu ajnabi hai dahr mein dushman hai ek jahan

kis ja ka qasd KHasta-jigar kar raha hai tu

tu mujh se KHud ko chhin ke beganon mein na ja

chupke se su-e-ghair nazar kar raha hai tu

ai chand charKH zer-o-zabar hai tere liye

mujh ko KHarab-o-zer-o-zabar kar raha hai tu

paiman-o-'ahd mujh se kiye the wo kya hue

kya 'ahd the ki jin se mafar kar raha hai tu

tere qadam wajud-o-'adam se buland hain

phir kyon wujud hi se safar kar raha hai tu

ai dozaKH-o-bahisht tere amr ke ghulam

kyon ye bahisht mujh pe saqar kar raha hai tu

hai bas-ki aag jaan meri tu phir bhi KHush nahin

kyon ruKH mera firaq se zar kar raha hai tu

gham se siyah chand ho gar ruKH tera chhupe

kyon chand ke gahan ka safar kar raha hai tu

hota hun KHushk-lab main teri KHushk-rui se

ashkon se aankh kyon meri tar kar raha hai tu