دکھیا دھرتی

رات جب ختم ہوئی صبح کی سرخی آئی

دن مگر زیست کے اپنے نہ کبھی لوٹ سکے

روش باغ پہ گلہائے معطر بکھرے

موت کی طرح انہیں لے گیا بہتا پانی

جنگلوں میں تھا سکوں چھائی تھی اک خاموشی

مٹ گیا سحر وہ دریا ہوا جب طوفانی

زاویہ چشم کا رکھتا ہے افق کو دل میں

یاد باقی ہے بہاروں کی دل بسمل میں

شہر کو چل کہ وہ ہنگامے بھلائیں گے تجھے

ہاں وہی درد سے آزادی دلائیں گے تجھے

اس جگہ بیت چکا موسم گل بیت چکا

اور زمیں محو ہے اب غم ہے بہت ہی گہرا