apne vatan kī chhoḌ ke miTTī nahīñ ga.e
achchhe vahī rahe jo karāchi nahīñ ga.e
apne watan ki chhoD ke miTTi nahin gae
achchhe wahi rahe jo karachi nahin gae
parā.e des meñ rahte haiñ ik zamāne se
hamārā dil magar ab bhī vatan meñ rakkhā hai
parae des mein rahte hain ek zamane se
hamara dil magar ab bhi watan mein rakkha hai
mirā ḳhūn-e-jigar to gulsitāñ ke kaam aaya hai
batā.ūñ kis tarah āḳhir bayābānoñ pe kyā guzrī
mera KHun-e-jigar to gulsitan ke kaam aaya hai
bataun kis tarah aaKHir bayabanon pe kya guzri
