Sher on Soul

barābar ek pyāsī ruuh kī āvāz aatī hai

kuoñ se pan-ghaToñ se naddiyoñ se ābshāroñ se

barabar ek pyasi ruh ki aawaz aati hai

kuon se pan-ghaTon se naddiyon se aabshaaron se

qaid-e-āvārgī-e-jāñ hī bahut hai mujh ko

ek dīvār mirī ruuh ke andar na banā

qaid-e-awargi-e-jaan hi bahut hai mujh ko

ek diwar meri ruh ke andar na bana

hamārī ruuh parindoñ ko sauñp dī jaa.e

ki ye badan to gunahgār ho ga.e sāhib

hamari ruh parindon ko saunp di jae

ki ye badan to gunahgar ho gae sahib

'amal terā bhī sākit hai talab merī bhī nāqis hai

ki ab rūh-e-mohabbat se hue donoñ ke dil ḳhālī

'amal tera bhi sakit hai talab meri bhi naqis hai

ki ab ruh-e-mohabbat se hue donon ke dil KHali