Sher on Aashob

ek maiñ huuñ ki is āshob-e-navā meñ chup huuñ

varna duniyā mire zaḳhmoñ kī zabāñ boltī hai

ek main hun ki is aashob-e-nawa mein chup hun

warna duniya mere zaKHmon ki zaban bolti hai

kyā raat ke āshob meñ vo ḳhud se laḌā thā

ā.īne ke chehre pe ḳharāsheñ sī paḌī haiñ

kya raat ke aashob mein wo KHud se laDa tha

aaine ke chehre pe KHarashen si paDi hain

sab ummīdeñ mire āshob-e-tamannā tak thiiñ

bastiyāñ ho ga.iiñ ġharqāb to dariyā utrā

sab ummiden mere aashob-e-tamanna tak thin

bastiyan ho gain gharqab to dariya utra

banī haiñ shahr-āshob-e-tamannā

ḳhumār-ālūda āñkheñ rāt-bhar kī

bani hain shahr-ashob-e-tamanna

KHumar-aluda aankhen raat-bhar ki