hameñ batlā na deñ āshiq jo haiñ rū-e-kitābī par

sabaq hai kyā koī ma.ashūq jis ko yaad karte haiñ

hamein batla na den aashiq jo hain ru-e-kitabi par

sabaq hai kya koi mashuq jis ko yaad karte hain

mai ko jo istilāh meñ kahte haiñ duḳht-e-raz

vo muġhbacha hai rindoñ kā saalā kaheñ jise

mai ko jo istilah mein kahte hain duKHt-e-raz

wo mughbacha hai rindon ka sala kahen jise

vahshat meñ har ik naqsha ulTā nazar aatā hai

majnūñ nazar aatī hai lailā nazar aatā hai

wahshat mein har ek naqsha ulTa nazar aata hai

majnun nazar aati hai laila nazar aata hai

'zarīf' ab fā.eda kyā shā.iroñ ko sardī khāne se

ġhazal ham paḌh chuke ghar jaa.eñ kyuuñ be-kār baiThe haiñ

'zarif' ab faeda kya shairon ko sardi khane se

ghazal hum paDh chuke ghar jaen kyun be-kar baiThe hain

zulf ke jaal meñ ma.ashūq kā sar hai ḳhud bhī

qaidiyoñ muzhda ki sayyād tah-e-dām aayā

zulf ke jal mein mashuq ka sar hai KHud bhi

qaidiyon muzhda ki sayyaad tah-e-dam aaya