maiñ ḳhushbuoñ ke zikr pe ḳhāmosh hī rahā

hālāñki ek phuul mire hāfize meñ thā

main KHushbuon ke zikr pe KHamosh hi raha

haalanki ek phul mere hafize mein tha

ham chāhte the maut hī ham ko judā kare

afsos apnā saath vahāñ tak nahīñ huā

hum chahte the maut hi hum ko juda kare

afsos apna sath wahan tak nahin hua

bahut tezāb phailā hai galī-kūchoñ meñ nafrat kā

mohabbat phir bhī apne kaam se bāhar nikaltī hai

bahut tezab phaila hai gali-kuchon mein nafrat ka

mohabbat phir bhi apne kaam se bahar nikalti hai

sab apne naam kī taḳhtī lagā.e baiThe haiñ

pata sabhī ko hai ye saltanat ḳhudā kī hai

sab apne nam ki taKHti lagae baiThe hain

pata sabhi ko hai ye saltanat KHuda ki hai

sab log jo hairat se tujhe dekh rahe haiñ

sar terā bahut chhoTā hai dastār baḌī hai

sab log jo hairat se tujhe dekh rahe hain

sar tera bahut chhoTa hai dastar baDi hai