gul ġhunche āftāb shafaq chāñd kahkashāñ

aisī koī bhī chiiz nahīñ jis meñ tū na ho

gul ghunche aaftab shafaq chand kahkashan

aisi koi bhi chiz nahin jis mein tu na ho

kisī ko be-sabab shohrat nahīñ miltī hai ai 'vāhid'

unhīñ ke naam haiñ duniyā meñ jin ke kaam achchhe haiñ

kisi ko be-sabab shohrat nahin milti hai ai 'wahid'

unhin ke nam hain duniya mein jin ke kaam achchhe hain

āzād to barsoñ se haiñ arbāb-e-gulistāñ

aa.ī na magar tāqat-e-parvāz abhī tak

aazad to barson se hain arbab-e-gulistan

aai na magar taqat-e-parwaz abhi tak

hai shām-e-avadh gesū-e-dildār kā partav

aur sub.h-e-banaras hai ruḳh-e-yār kā partav

hai sham-e-awadh gesu-e-dildar ka partaw

aur subh-e-banaras hai ruKH-e-yar ka partaw

hujūm-e-ġham se milī hai hayāt-e-nau mujh ko

hujūm-e-dard se paayā hai hausla maiñ ne

hujum-e-gham se mili hai hayat-e-nau mujh ko

hujum-e-dard se paya hai hausla main ne