aaj phir apnī samā.at sauñp dī us ne hameñ

aaj phir lahja hamārā iḳhtiyār us ne kiyā

aaj phir apni samaat saunp di us ne hamein

aaj phir lahja hamara iKHtiyar us ne kiya

aaj rakkhe haiñ qadam us ne mirī chaukhaT par

aaj dahlīz mirī chhat ke barābar huī hai

aaj rakkhe hain qadam us ne meri chaukhaT par

aaj dahliz meri chhat ke barabar hui hai

ḳharīdne ke liye us ko bik gayā ḳhud hī

maiñ vo huuñ jis ko munāfe meñ bhī ḳhasārā huā

KHaridne ke liye us ko bik gaya KHud hi

main wo hun jis ko munafe mein bhi KHasara hua

ḳhauf āñkhoñ meñ mirī dekh ke chiñgārī kā

kar diyā raat ne sūraj ke havāle mujh ko

KHauf aankhon mein meri dekh ke chingari ka

kar diya raat ne suraj ke hawale mujh ko

zaḳhm-dar-zaḳhm suḳhan aur bhī hotā hai vasī.a

ashk-dar-ashk ubhartī hai qalamkār kī guuñj

zaKHm-dar-zaKHm suKHan aur bhi hota hai wasia

ashk-dar-ashk ubharti hai qalamkar ki gunj