apne kāñdhoñ se uThā.e hue hālāt kā bojh

rāste chīḳh paḌe log jidhar se guzre

apne kandhon se uThae hue haalat ka bojh

raste chiKH paDe log jidhar se guzre

jab se ik shaḳhs mere dhyān meñ hai

kitnī ḳhushbū mire makān meñ hai

jab se ek shaKHs mere dhyan mein hai

kitni KHushbu mere makan mein hai

koī manzil ke qarīb aa ke bhaTak jaatā hai

koī manzil pe pahuñchtā hai bhaTak jaane se

koi manzil ke qarib aa ke bhaTak jata hai

koi manzil pe pahunchta hai bhaTak jaane se

yahī hai rasm-e-zamāna to phir gila kaisā

koī jalā.e charāġhoñ ko aur bujhā.e koī

yahi hai rasm-e-zamana to phir gila kaisa

koi jalae charaghon ko aur bujhae koi

ye kaun shaḳhs hai is ko zarā bulāo to

ye mere haal pe kyuuñ muskurā ke guzrā hai

ye kaun shaKHs hai is ko zara bulao to

ye mere haal pe kyun muskura ke guzra hai