apnī āñkheñ nahīñ jalā.ūñgī

maiñ ne bujhte charāġh dekhe haiñ

apni aankhen nahin jalaungi

main ne bujhte charagh dekhe hain

aur phir mohabbat meñ jī ke mar ke dekhā hai

log sochte haiñ jo ham ne kar ke dekhā hai

aur phir mohabbat mein ji ke mar ke dekha hai

log sochte hain jo hum ne kar ke dekha hai

jab jab tum ko yaad kareñ ham

tab tab bārish ho jaatī hai

jab jab tum ko yaad karen hum

tab tab barish ho jati hai

maiñ jal ga.ī huuñ dhuup kī kirnoñ se jā-ba-jā

aur vo samajh rahe haiñ ki rañgat nikhar ga.ī

main jal gai hun dhup ki kirnon se ja-ba-ja

aur wo samajh rahe hain ki rangat nikhar gai

siine se dil nikāl ke hāthoñ pe rakh diyā

maiñ ne to bas kahā thā ki dhaḌkan kā shor hai

sine se dil nikal ke hathon pe rakh diya

main ne to bas kaha tha ki dhaDkan ka shor hai