har ek baat zabāñ se kahī nahīñ jaatī

jo chupke baiThe haiñ kuchh un kī baat bhī samjho

har ek baat zaban se kahi nahin jati

jo chupke baiThe hain kuchh un ki baat bhi samjho

lab pe ik naam hamesha kī tarah

aur kyā kaam hamesha kī tarah

lab pe ek nam hamesha ki tarah

aur kya kaam hamesha ki tarah

qasam jab us ne khaa.ī ham ne e'tibār kar liyā

zarā sī der zindagī ko ḳhush-gavār kar liyā

qasam jab us ne khai hum ne e'tibar kar liya

zara si der zindagi ko KHush-gawar kar liya

sunte the 'mahshar' kabhī patthar bhī ho jaatā hai mom

aaj vo aa.e to palkoñ ko bhigonā paḌ gayā

sunte the 'mahshar' kabhi patthar bhi ho jata hai mom

aaj wo aae to palkon ko bhigona paD gaya

un kā ġham un kā tasavvur un kī yaad

kaT rahī hai zindagī ārām se

un ka gham un ka tasawwur un ki yaad

kaT rahi hai zindagi aaram se