huī gar sulh bhī to bhī rahī jañg

milā jab dil to aañkh us se laḌā kī

hui gar sulh bhi to bhi rahi jang

mila jab dil to aankh us se laDa ki

jab ḳhafā hotā hai to yuuñ dil ko samjhātā huuñ maiñ

aaj hai nā-mehrbāñ kal mehrbāñ ho jā.egā

jab KHafa hota hai to yun dil ko samjhata hun main

aaj hai na-mehrban kal mehrban ho jaega

saaqī ke aane kī ye tamannā hai bazm meñ

dast-e-subū buland hai dast-e-duā ke saath

saqi ke aane ki ye tamanna hai bazm mein

dast-e-subu buland hai dast-e-dua ke sath

sar mirā kaaT ke pachhtā.iyegā

kis kī phir jhūTī qasam khā.iyegā

sar mera kaT ke pachhtaiyega

kis ki phir jhuTi qasam khaiyega

sūjhī hai ulTī dasht-navardī meñ ai junūñ

paañv meñ aable kī tarah se kulāh ho

sujhi hai ulTi dasht-nawardi mein ai junun

panw mein aable ki tarah se kulah ho